Во Вратница веќе многу години наназад непрекинато работи централното основно училиште „Симче Настовски“. Во него се одвива редовна настава од I до VIII одделение и забавиште. Покрај тоа, ова е единствено училиште во тетовскиот регион во кое се изведува настава со ученици со лесни пречки во психичкиот развој.Подрачни училишта: Старо Село и Рогачево, на македонски; и Јажинце, Орашје и Долно Орашје, на албански наставен јазик.
Наставата ја вршат повеќе од 30 наставници со високо и више образование, а во училиштето е вработен и стручен соработник - училишен психолог.
Учениците учествуваат на сите општински и регионални натпревари и освојуваат високи места. Секоја година барем еден наш ученик учествува на Републички натпревар.
Училиштето е вклучено во многу проекти и е опремено со компјутерска лабораторија со непрекинат брз Интернет пристап, училишна медиотека, преку 15 големи училници, спортска сала, интернат со капацитет од 80 легла, училишна менза итн.
Слободни ученички активности:
- Драмска секција
- Хор и оркестар
- Литературна и рецитаторска секција
- Балет-ритмичка група
- Мали Олимписки игри
- Секција на сообраќајни техничари
- Библиотекарска секција
- Цвеќарска секција
Училиштето организира повеќе еколошки акции меѓу кои:
- Да го исчистиме светот
- За чиста околина
- Засадување на цвеќиња
- Засадување на борова и багремова шума
- скција на младите за здрава природна средина
Нашето училиште поседува:
- Земјоделки површини за одгледување на компир, грав и пченка
- Овоштарник со јаболки
- Мини фарма за кокошки и свињи
Училиштето е добитник на многу награди и признанија, меѓу кои би ги спомнале општинските признанија за интернатот и за работата на централното основно училиште и подрачното училиште во Рогачево, како и многуте награди од фондот на „Кирил Пејчиновиќ“.