Здружението на Млади на Вратница е невладино и непрофитабилно младинско здружение, кое за воља на вистината, се уште не е регистрирано, но функционира како такво повеќе од 55 години наназад (според кажувањата на постарите граѓани на Вратница).Моментално, здружението брои 65 членови (36 машки и 27 женски) чии цели воглавно се насочени кон продлабучување на другарството и зближување на младите луѓе од Вратница преку најразлични активности за дружење и рекреација.
Во текот на изминатиот период беа организирани повеќе младински работилници, беа преземени многу активности и неколку акции во Вратница, како и неколку донации во вид на храна и облека за финансиски најзагрозените семејства од регионот. Здружението на Млади секоја година организира по неколку настани, меѓу кои: Традиционалниот Првомајски Турнир во мал фудбал и баскет, прослава по повод селската слава Св. Константин и Елена, прослава по повод Василица, неколку младински забави итн.
Моментално се работи на финализирање на реконструкцијата на Младинскиот клуб кој се наоѓа во Домот на културата во Вратница.